Kings Park, Fremantle, Pride Parade

Hallo Hallo

mer haend doch tatsaechlich en bibliothek gfunde wo mer eifach so ofs internet chan. Fotene hani jetzt eifach mol in diashows ueglade. ohni worte woerdi zom teil saege.
do i chli am chraenkle ben mache mer hoet en easy tag bevor mer of tour goend, be die ganz ziit am tee drenke :-) scheiss klimaalag ond scheiss wend woerd i saege.

Kings Park
de esch echt cool gsi, mer haend is chli vom jetlag erholt ond send dert chli go pflanze ond baeum bewondere womer wahrschinlich werde no gseh of oisem reisli.

am obe semmer met de Desi im beachclub go aesse, esch echt en lostige obe gsi, aber ebe sauchalt ond wendig.

Freemantle
am nexte morge semmer met em schiff oeber de Svan River of Freemantle, dert hemmer au die schwarze Schwaen atroffe am ''hafe vom svanriver'' Fremantle esch schoeni Stadt met me coole markt, aber ebe leider au weder wendig. die stadt esch ergendwie wie perth chli so unglaublich unwuerklich, eifach wie im felm, me het sgfuehl si hends wele historisch lo usgseh, aber ergendwie eschs ne ned glunge.
Nach endloser suechi hemmer denn es einigermasse windstills plaetzli am hafe gfunde und send spoeter met em zug zrugg of perth.

Pride Parade and Halloween
Jawohl mer send ade Pride Parade gsi... hend imene indische Resti ois chli of d'schaerfi wo ois e paar moenet erwartet vorbereitet, ond das esch grad voll am omzog glaege gsi. hoffe cha die fotene mol no uelade. nacher semmer en usgang, mer touris hend natuerli ned so woerklich de rechtig dresscode wo me sett ha, s'chliine schwarze fehlt, vor allem chorz muesstis sii. aber mer hend ues denn en spass drus gmacht z'luege wo mer denn oeberall woerded inecho. meistens eschs de doch kes problem gsi, aber bi paar clubs haends nor de chopf gschuettlet :-)
Hend denn no en cooli bar met livemusic gfunde womer chli laenger verwiilet send.

so morn gots ab in norde, denn werde mer wohl laenger offline sii.

woensch euch en gueti ziit
gruess euch
Conny